Wildhuus isch e Dorff i de toggeburger Gmaind Wildhuus-Alt Santihann. Bis ane 2009 isch es en aigni politischi Gmaind gsii und hett sich denn mit Alt Santihann zämegschlosse. S Dorf litt under em Säntis und em Alte Maa. D Dorftail sind Oberdorf, Schönebode, s Lisighus und Schwendi, wo di beede Schwendiseeje liged. Im Lisighus stoot s Huus, wo de Ulrich Zwingli im 1. Jener 1484 uf d Welt choo isch. Da isch ais fo de äältiste Buurehüser fo de Schwiiz wo no erhaalten sind. Wildhuus isch zimmli turistisch und dromm recht zersidlet, well do fili Feerihüser stönd. Uf d Gamsalp und uf de Gamserrugg ufe hetts e Sesselibaa und Schiilift.